छात्रवृत्ति छनौटको उजुरी सम्बन्धी सूचना

उपरोक्त सम्बन्धमा चालु आ.ब. २०७९/०८० मा यस निर्देशनालयको वार्षिक बजेट तथा कार्यक्रम अनुसार सुर्खेत जिल्लाको लागि प्राविधिक छोरीबुहारी छात्रवृत्ति, उच्च शिक्षा दलित छात्रवृत्ति, उच्च शिक्षा अपांग छात्रवृत्ति वितरणका लागि जिल्ला छात्रवृत्ति वितरण समितीको निर्णय अनुसार छात्रवृत्ति प्रदान गर्नका लागि नियमानुसार छनौट भएका तपसिल बमोजिमका विद्यार्थी माथि चित्त नबुझेमा एकिकृत छात्रवृत्ति वितरण तथा व्यवस्थापन कार्यविधि, २०८० को दफा १३ उपदफा २ बमोजिम सूचना प्रकाशित भएको मितिले ७  दिन भित्र आफ्नो उजुरी कार्यालय समय भित्र यस निर्देशनालयमा बुझाउनुहुन  सम्बन्धित सबैका लागि यो सूचना प्रकाशन गरिएको छ ।

तपसिलः

प्राविधिक छोरीबुहारी छात्रवृत्तिः

उच्चशिक्षा दलित छात्रवृत्तिः

उच्चशिक्षा अपाङ्ग छात्रवृत्तिः

सुर्खेत जिल्लास्तरीय छात्रवृत्ति सम्बन्धी सूचना

उपरोक्त सम्बन्धमा चालु आ.ब. २०७९/०८० मा यस निर्देशनालयको वार्षिक बजेट तथा कार्यक्रम अनुसार सुर्खेत जिल्लाको लागि तपसिल बमोजिमका छात्रवृत्ति वितरणका लागि जिल्ला छात्रवृत्ति वितरण समितीको मिति २०८०/०१/०७ गतेको वैठकको निर्णय अनुसार २०८०/०१/०८ देखि २०८०/०१/२८ गतेसम्म २१ दिने म्याद राखी सूचना प्रकाशन गर्ने निर्णय भएकोले तपसिलमा उल्लेखित छात्रवृत्ति प्राप्त गर्न सुर्खेत जिल्लामा स्थायी बसोबास भई कर्णाली प्रदेश भित्रको शैक्षिक संस्थामा अध्ययनरत तथा एकीकृत छात्रवृत्ति वितरण तथा व्यवस्थापन कार्यविधि, २०८० मा उल्लेखित आधारहरु पुरा भएका विद्यार्थीहरुले यस कार्यालयको वेव साइट edd.karnali.gov.np मा राखिएको छात्रवृत्ति आवेदन फाराम भरी तोकिएको मिति भित्र यस निर्देशनालयमा आवेदन दिनुहुन सम्बन्धित सबैका लागि यो सूचना प्रकाशन गरिएको छ ।

तपसिलः

पुनश्चः छात्रवृत्तिका लागि भर्नुपर्ने आवेदन फाराम, एकीकृत छात्रवृत्ति वितरण तथा व्यवस्थापन कार्यविधि, २०८० तथा अन्य जानकारीको लागि यस निर्देशनालयको वेब साइट edd.karnali.gov.np मा जानुहुन तथा यस सम्बन्धी थप जानकारीका लागि शिक्षा विकास निर्देशनालय, कर्णाली प्रदेश, सुर्खेतमा वा फोन नं., ९८५८०२०२७६, ९८४१४५४७४७, मा सम्पर्क राख्नुहुन जानकारी गराइन्छ । साथै, आवेदक स्वयमको व्यक्तिगत खाताको चेकको प्रतिलिपि अनिवार्य संलग्न राख्नुपर्नेछ ।